Eitthvað gott um þessar mundir:

Góð plata: Royale Fanclub

Góð bók: Gerhard Richter, The Daily Practice of Painting

Góð bíómynd: Barnyard

Góð fjárfesting: myndavélin mín

Góður matur: matur sem einhver annar eldar

Góð hugmynd: að horfa minna á sjónvarp og fara meira í sund

Gott gos: Sodastream með Ribena útí

Góð skemmtun: að bjóða vinum Ólivers í mat

Góð ákvörðun: að horfa ekki á auglýsingar og hætta að fá ruslpóst

Gott markmið: að reyna að eyða eins litlum peningum og hægt er, til að taka ekki þátt í efnishyggjuþjóðfélaginu.

Góður dagur: dagurinn í dag

Sveimérþá

Berlín er skemmtileg borg. Við erum núþegar búin að halda tvenna tónleika hér, og í kvöld er fríkvöld, sem við ætlum að eyða í að halda HAM-partý. Þýskur vinur okkar er mikill HAM-aðdáandi og heimtar að elda oní okkur ef við spilum HAM og aðra góða íslenska tónlist, og auðvitað verðum við að bón hans. Annars er sól og blíða og við hljólum hér um í sæluvímu. Fáum gott að borða og sofum vel og lengi. Hef ekki enn rekist á neinn stressaðan. Kannski er allt stressið á Íslandi bundið við bílaumferð, og er ég alvarlega að hugsa um að hætta að nota það farartæki nema í brýnustu neið. Ef maður þarf ekki að hugsa um allt sem tengist umferð og bílum er bara helmingurinn af stressfaktorunum farnir. Sveimérþá.

Sumarfrí...

Spánn á morgun. Frí í viku. Gott. Þrjátíu+ og (vonandi) steikjandi sól allan tímann. Kem heim bráðnuð og brún, með enga vöðvabólgu í öxlum. Síjú.

Ljósanæturlagið

Ætla að klára ljósanæturlagið í kvöld. Hey, hvað það væri nú gaman að vinna. En aðalatriðið er náttúrulega að vera með!!!!!

Enn er allt leyndó, svo: Usssss

666

...six six six, the number of the beast!...

Fyrirsögn

söng 2 lög áðan, eitt á ensku og annað á frönsku. langar að spila á bassa á morgun. kannski næ ég því eftir barnaleikhús, barnaafmæli og barnachill. spurning að þetta verði þá svolítið barnalegur bassi eftir allt hitt.

Enn meiri tónlist...

Í kvöld mun verða spilaður bassi og sungið smá og mun ég að öllum líkindum skemmta mér mjög vel. Svo mun ég hlakka til í allan dag, ásamt því að ég mun að öllum líkindum drekka of mikið kaffi. Það mun hafa vond áhrif á magasýrurnar og því mun ég fá mér ab-mjólk við heimkomu. Ég mun nú þegar vera búin að drekka nokkra kaffibolla og það mun vera að hafa áhrif á þessa bloggfærslu. Þetta mun nú vera hinn heilagi sannleikur.

Fyndnasta blogg í heimi!

Þetta er fyndnasta blogg í heimi. Mætti alveg uppfæra oftar, en hér er allavega eitt sýnishorn, og svo hefur bloggarinn verið að koma með sýnishorn af hinum og þessum bloggstílum.

Monday, March 13, 2006
Blogg?
Fyrst ég hef tekið þá ákvörðun að opinbera raus mitt þá má ég til með að skilgreina það frekar.Hvort á ég að vera með:
Vinnublogg:
.. og kallinn sagði mér að ég ætti að skafa rennuna áður en ég fræsti. Það er náttúrulega rugl og getur rústað öllu kerfinu. Rennan getur ekki tekið við fullri fræsingu eftir sköfun nema efnið sé blautt...
eða
Reisublogg:
..þá kom betlari, en það er náttúrulega best að láta sem maður sjái þá ekki, það er ekki hægt að gefa öllum og sumir eru bara að þykjast...
eða
Pólitík-blogg:
..Össur mælir gegn þessum breytingum en það er á röngum forsendum því við höfum aldrei sagt okkur frá sambandinu og ráðuneytið getur bakfært allar færslur í skýrslugerðum til og með ágúst 2002. Þegar það er skoðað frá..
eða
Venjulegtblogg:
..en ég er í fríi á morgun og þá verður sko sofið út...
eða
Idolblogg:
...ekki Bubba að þakka. Bjarni er bara svo mikið fífl og ég vona að hann detti út næst. Hann var samt flottur í hippa þemanu. Sigrún sagði mér samt....
eða
Djammblogg:..algjör dúlla. Refurinn kom svo feitur á hleranum og keyrði allt í botn. Ekki séns að...
eða
Bílablogg:..haha. Impresan hjá Pétri er allavega klár, svona næstum því:). Felgurnar koma í næstu viku en þangað til þarf hann að nota Löduna...
eða
Skákblogg:
...f2. Þá hefði þetta verið unnin skák. F2xDf4 hefði haldið pressunni lengur en Hannes hafði þá aðeins einn valkost og....
eða
Ljóðablogg:
...sumrinu. Döggin sló mig með léttum banahöggum: Hvað er sólin?Hvað er sólin? Spyr hún. Maðurinn gengur til sonarins....
eða
Biggablogg:
...fíflinu á Omega. Hvernig er hægt að bera virðingu fyrir skoðunum annarra þegar skoðanir annarra eru fokking bull? Gunnar Þorst.....
eða
Ruglblogg:...sé og hvurtur. Suggu buggu. Ná lælæ.AAAAAHE.!!!!!
?

Nenni ekki meir, allavega eitt af þessum. Áskil mér rétt til að skálda aðstæður, persónur og allt annað.

Föstudagurinn langi

Ég hélt föstudaginn langa heilagan eins og ég hef gert síðan 2002, og gerði tónlist. Tók upp og útsetti tvö lög, og spilaði fullt á gítar, og nú eru lögin ,,I should be cool" og ,,Watch time" til í heiminum. Þarf að fara að gera eitt lítið demó með kassagítarlögum, held alveg að platan sé bara full, sko. Þannebbblegaþa.

bítlalög fyrir hádegi

Í dag söng ég bítlalög fyrir hádegi og spilaði líka aðeins á gítar. Það var hressandi morgunleikfimi.