Margt smátt...gerir eitt stórt

Það eru margir hlutir sem gætu verið betri en þeir eru, en líka nóg af hlutum sem eru á réttri leið. Gallinn er bara sá að það eru oft litlu atriðin sem verða ofsalega áberandi og fara í taugarnar á manni, og ef nógu margir litlir hlutir eru að pirra mann, verður úr einn stór pirringur. Það gefur auga leið að það er miklu erfiðara að díla við einn stóran pirring en marga litla, og því verður bara að ráðast í að takast á við eitt lítið mál á eftir öðru litlu máli, þar til öll mál eru leyst og pirringur horfinn. Pirringur er svona undanfari stórs hnerra, en þá klæjar mann heldur ekki í nefið lengur.

Já, eins og maðurinn sagði: Það er farið að krauma í sósunni en kartöflurnar eru ennþá kaldar!!!

Þessi blogfærsla er á dulmáli og þýðir það sem þið viljið að hún þýði, og er ég annað hvort að tala um hnerra og kartöflur eða eitthvað allt annað.

Athugasemdir

[Hlynur Hallsson, 21.1.2007 kl. 13:10]

Kæra Heiða bloggvinkona og VG félagi, mér finnst að þú ættir að skrifa oftar svona dulmálsfærslur og bara yfirleitt oftar blogg! Bestu hvatningarkveðjur frá Berlín,

[Heiða, 21.1.2007 kl. 13:59]

Ég mun gera mitt besta, sendi ástarkveðjur til Berlínarborgar, sem á sérstakan stað í huga og hjarta mér.